ممبئی: بالی ووڈ کے سپر اسٹار سلمان خان کی 59 ویں سالگرہ کے موقع پر ان کی سابق محبوبہ کترینہ کیف کا محبت بھرا پیغام سوشل میڈیا پر
وائرل ہو رہا ہے۔ کترینہ کیف نے انسٹاگرام پر سلمان خان کی بلیک اینڈ وائٹ تصویر کے ساتھ ایک دل چسپ اور محبت بھرا پیغام دیا۔ انہوں
نے تصویر کے کیپشن میں سلمان خان کو ٹیگ کرتے ہوئے لکھا: “سالگرہ بہت مبارک ہو، زندگی کی تمام شاندار چیزیں اس سال اور ہمیشہ آپ
کے ساتھ ہوں۔”
یہ بات قابل ذکر ہے کہ کترینہ کیف اور سلمان خان کا ایک طویل تعلق رہا ہے اور دونوں کے درمیان کئی سال تک تعلقات کی افواہیں بھی
گردش کرتی رہیں۔ تاہم، کچھ عرصے بعد یہ افواہیں ختم ہوگئیں اور کترینہ کیف نے 2021 میں اداکار وکی کوشل کے ساتھ شادی کرلی تھی۔
دونوں اس وقت خوشگوار زندگی گزار رہے ہیں۔