امریکی صدر ڈونلڈ ٹرمپ نے میڈیا سے گفتگو کرتے ہوئے ٹک ٹاک کے بارے میں اپنی پسند کا اظہار کیا اور کہا کہ وہ چاہتے ہیں کہ کوئی امریکی کمپنی اسے خریدے۔ انہوں نے ایلون مسک کو خاص طور پر اس موقع پر مخاطب کرتے ہوئے کہا کہ اگر وہ ٹک ٹاک خریدنا چاہیں تو وہ ڈیل کروا سکتے ہیں۔
ٹرمپ نے کیلیفورنیا میں جاری آگ کے نقصانات پر بھی تشویش ظاہر کی اور کہا کہ وہ لاس اینجلس میں آتشزدگی سے ہونے والے نقصان کو دیکھتے ہوئے ریاست میں پانی کی دستیابی کے حوالے سے ایک آرڈر جاری کریں گے تاکہ اس بحران پر قابو پایا جا سکے۔
ٹک ٹاک کے مالک سے ملاقات کے دوران، صدر ٹرمپ نے تجویز پیش کی کہ اگر کوئی کمپنی ٹک ٹاک خریدے تو اس معاہدے کی آدھی آمدنی امریکا کو ملنی چاہیے۔
صدر نے مصنوعی ذہانت (AI) کے حوالے سے امریکا میں ایک نیا منصوبہ شروع کرنے کا اعلان بھی کیا، جس سے 100,000 ملازمتیں پیدا ہوں گی اور 500 ارب ڈالر کی سرمایہ کاری کی جائے گی۔ ان کے مطابق، یہ منصوبہ امریکا کو جدید ٹیکنالوجی میں عالمی رہنما بنانے کی سمت میں ایک اہم قدم ہے۔
روس اور یوکرین کے تنازعہ پر بات کرتے ہوئے صدر ٹرمپ نے خبردار کیا کہ اگر روس مذاکرات کی میز پر نہ آیا تو اس پر مزید پابندیاں لگائی جائیں گی۔ انہوں نے یہ بھی کہا کہ یوکرین کے مسئلے کے حل کے لیے انہوں نے چینی صدر سے مدد طلب کی ہے۔
ایچ-ون ویزا پروگرام پر بات کرتے ہوئے، ٹرمپ نے کہا کہ اس پروگرام سے امریکا میں بہترین اور قابل افراد آئیں گے جو ملک کی ترقی میں اہم کردار ادا کریں گے۔