متحدہ عرب امارات کی وزارت صحت و کمیونٹی پروٹیکشن نے اعلان کیا ہے کہ جنوری 2025 سے ملک بھر میں شادی کرنے والے تمام شہریوں کے لیے شادی سے قبل جینیاتی جانچ لازمی ہوگی۔ یہ اقدام امارات کی جنیوم کونسل کے فیصلے کے تحت کیا گیا ہے اور اس کا مقصد بچوں کو موروثی بیماریوں سے بچانا ہے۔
میڈیا رپورٹس کے مطابق، یہ جینیاتی جانچ شادی سے پہلے کیے جانے والے لازمی طبی ٹیسٹوں کا حصہ ہوگی۔ اس کے ذریعے یہ معلوم کیا جا سکے گا کہ شادی کرنے والے افراد میں کوئی عام جینیاتی تغیرات موجود ہیں جو ان کی اولاد میں منتقل ہو سکتے ہیں۔ یہ اقدام صحت کے حفاظتی تدابیر کو مضبوط بنانے اور آئندہ نسلوں میں ممکنہ موروثی بیماریوں کے خطرے کو کم کرنے کے لیے کیا جا رہا ہے۔
یہ پالیسی عوامی صحت کو بہتر بنانے اور معاشرتی فلاح کے لیے متحدہ عرب امارات کی جانب سے ایک اہم قدم ہے۔