اسلام آباد: پاکستان کرکٹ بورڈ (پی سی بی) نے انٹرنیشنل کرکٹ کونسل (آئی سی سی) اور بھارتی کرکٹ بورڈ (بی سی سی آئی) کی جانب
سے آئی سی سی چیمپئنز ٹرافی 2025 کے لیے تیار کردہ ہائبرڈ ماڈل کا پلان یکسر مسترد کر دیا ہے۔ ذرائع کے مطابق پی سی بی نے آئی سی
سی کی بورڈ میٹنگ میں نیا پلان لانے کا مطالبہ کیا اور کہا کہ ایسا نہیں ہو سکتا کہ پاکستان بار بار بھارت جاکر کھیلے، جبکہ بھارت پاکستان
نہ آئے۔
پاکستان کرکٹ بورڈ نے اپنی پوزیشن واضح کرتے ہوئے یہ مطالبہ کیا کہ آئی سی سی بورڈ میٹنگ میں نئے پلان کے ساتھ آیا جائے۔ پی سی بی
کا موقف تھا کہ پاکستان اور بھارت کے درمیان کھیلوں کی روابط کی بنیاد پر متوازن اور منصفانہ حل نکالنا ضروری ہے۔
قبل ازیں، پی سی بی کے چیئرمین محسن نقوی نے قذافی اسٹیڈیم کا دورہ کیا اور اسٹیڈیم کے نئے تعمیر کردہ اسٹیپ کا معائنہ کیا۔ انہوں نے
اسٹیڈیم کی تعمیراتی کام کی رفتار پر اطمینان کا اظہار کیا اور منصوبے کی بروقت تکمیل کے لیے حکام کو ہدایات دیں۔ ایف ڈبلیو او کے
پروجیکٹ ڈائریکٹر نے قذافی اسٹیڈیم کی اپ گریڈیشن پروجیکٹ پر ہونے والی پیش رفت کے بارے میں بریفنگ دی، جس میں بتایا گیا کہ
70 فیصد کام مکمل ہو چکا ہے، انکلوژرز کے اسٹیپ کی تعمیر تیزی سے جاری ہے، مین بلڈنگ کے فلورز مکمل کرلیے گئے ہیں اور پویلین
و باکسز کا کام آخری مرحلے میں داخل ہے۔
چیمپئنز ٹرافی کے حوالے سے چیئرمین پی سی بی محسن نقوی نے ایک مرتبہ پھر سخت موقف اپنایا اور کہا کہ اگر بھارت پاکستان میں نہیں
کھیلے گا، تو پاکستان بھی بھارت جاکر نہیں کھیلے گا۔ محسن نقوی نے مزید کہا کہ آئی سی سی میٹنگ میں جو بھی فیصلہ آیا، اس پر حکومتی
ہدایات کے مطابق عمل کیا جائے گا۔