چین میں دنیا کا سب سے بڑا سونے کا ذخیرہ دریافت

بیجنگ: دنیا کا سب سے بڑا سونے کا ذخیرہ چین میں دریافت ہوا ہے۔ غیر ملکی میڈیا کے مطابق، یہ ذخیرہ چین کے صوبے ہنان میں دریافت

کیا گیا ہے اور اسے ممکنہ طور پر دنیا کا سب سے بڑا سونے کا ذخیرہ قرار دیا جا رہا ہے۔ یہاں ایک اندازے کے مطابق 1 ہزار میٹرک ٹن

اعلیٰ معیار کا سونا موجود ہے۔ اس ذخیرے کی مالیت 83 ارب امریکی ڈالرز سے زائد بتائی جا رہی ہے۔

ابتدائی تحقیقات کے مطابق، اس ذخیرے کا بیشتر حصہ 2 کلومیٹر کی گہرائی میں تقریباً 300 میٹرک ٹن سونا ہے، جبکہ زیادہ گہرائی میں مزید

ذخائر ہونے کا امکان ہے۔ مقامی جیولوجیکل بیورو کے مطابق، ایک اندازے کے مطابق سونے کے مزید ذخائر 3 ہزار میٹر کی گہرائی میں

پائے جائیں گے، اور اگر یہ درست ثابت ہوا تو ان ذخائر کی مالیت بھی 83 ارب ڈالرز تک پہنچ سکتی ہے۔

مائننگ ٹیکنالوجی کے ماہرین کے مطابق، اس دریافت سے قبل دنیا میں سونے کے سب سے بڑے ذخائر جنوبی افریقا، انڈونیشیا، روس، چلی،

امریکا اور دیگر ممالک میں موجود ہیں۔ یہ نئی دریافت چین کی سونے کی ذخیرہ اندوزی میں اہم کردار ادا کر سکتی ہے اور عالمی مارکیٹ پر

اس کے اثرات مرتب ہو سکتے ہیں۔